صيانة سخان يونيفرسال

الأسباب المحتملة

• الكهربا مش واصلة للشاحن، أو الشاحن نفسه ضعف، فالشرارة بتضعف أو بتقف.
• لو بيتك على أنبوبة، ممكن تكون قربت تخلص. ولو على غاز طبيعي، اتأكد إن محبس السخان مفتوح كله.
• الهباب غطّى طرف شمعة الإشعال، فالشرارة ضعيفة ومش بتمسك في الغاز.
• المية داخلة السخان بضغط ضعيف، فجلدة الرداخ مش بتتحرك كفاية عشان تفتح الغاز.

تقدر تتأكد بنفسك

• اتأكد إن الشاحن في الفيشة، وجرّب الفيشة بجهاز تاني.
• افتح محبس الغاز على آخره. ولو السخان والبوتاجاز على نفس الأنبوبة، جرّب البوتاجاز: لو ناره ضعيفة، الأنبوبة محتاجة تتغير.
• افتح الحنفية السخنة على آخرها.

الأسباب المحتملة

• الشاحن مش في الفيشة، أو الفيشة مافيهاش كهربا.
• الشاحن نفسه بايظ.
• عيب في كارتة الشاشة أو في الوصلة بينها وبين الشاحن.

تقدر تتأكد بنفسك

• جرّب الفيشة بجهاز تاني، واتأكد إن القاطع بتاعها مرفوع.
• صوّر الشاحن والكلام المكتوب عليه، وصوّر استيكر السخان، وابعتهم لنا.

الأسباب المحتملة

• حساس اللهب عليه هباب، فبعد ثواني من الإشعال السخان يفتكر إن النار طفت ويقفل.
• المية ضعيفة أو بتقطّع، فالسخان بيفتكر إن الحنفية اتقفلت.
• الحلة عليها جير من جوه، فبتسخن بسرعة زيادة والحماية تفصل.
• التهوية ضعيفة في المكان، أو المدخنة مسدودة لو السخان ليه مدخنة.

تقدر تتأكد بنفسك

• جرّب تفتح المية السخنة أكتر: لو فضل شغال، يبقى المشكلة في ضعف التدفق.
• افتح شباك قريب من السخان.
• لاحظ بيطفي بعد قد إيه، وقولهولنا وإنت بتطلب الزيارة.

الأسباب المحتملة

• إنفينيتي سعته 6 لتر، فلو حنفيتين مفتوحين مع بعض في الشتا، المية مش هتلحق تسخن.
• ضغط الغاز ضعيف، أو الأنبوبة قربت تخلص.
• جير في الحلة، أو فلتر المية مسدود.

تقدر تتأكد بنفسك

• افتح حنفية واحدة بس وقلّل فتحتها شوية.
• ارفع الحرارة من مفتاح التحكم.
• شوف محبس الغاز: لازم يكون مفتوح كله، مش نص فتحة.

الأسباب المحتملة

• وصلة الغاز أو الخرطوم سايب أو قديم.
• السخان مش بيولّع من أول مرة، فالغاز بيطلع قبل الشرارة.
• احتراق مش كامل بسبب تهوية ضعيفة.

تقدر تتأكد بنفسك

• اقفل محبس الغاز فورًا وافتح الشبابيك.
• ماتولّعش نار، وماتشغّلش ولا تطفي أي مفتاح كهربا في المكان.
• اطلع من الشقة، ومن برّه كلّم طوارئ الغاز 129 لو البيت على غاز طبيعي، أو المطافي 180 لو التسريب من الأنبوبة.