خدمات صيانة السخانات

الكشف 250–300 جنيه

كشف وتشخيص العطل

الفني بيشغّل السخان قدامك، ويقيس الكهربا وعزل الشمعة في السخان الكهرباء، أو ضغط الغاز والمية والشرارة في سخان الغاز، قبل ما يفك أي حاجة. بعدها بيقولك العطل وسببه، ويكتبلك السعر.

الكشف بيتخصم من الفاتورة لو صلّحت معانا. ولو رفضت التصليح بعد ما عرفت السعر، بتدفع الكشف بس.

أقل تصليح بـ 600 جنيه، وأغلب الإصلاحات بين 1,500 و3,000 جنيه. السعر بيزيد أو يقل حسب العطل، وحالة السخان، وقطع الغيار أصلية ولا بديلة.

إصلاح سخان الغاز

• الإشعال: تنضيف وظبط شمعة الإشعال وحساس اللهب، وتغيير وحدة الإشعال لو باظت.
• جلدة الرداخ وجسم المية لما السخان مايشتغلش مع الضغط الضعيف أو يسرّب.
• الحلة: تنضيف الجير والهباب، أو تغييرها لو اتخرمت.
• صمام الغاز والكارتة في الموديلات الديجيتال، والكشف على المدخنة والتهوية.

سعر تصليح سخانات الغاز بيتحدد بعد الكشف حسب القطعة. ومابنشتغلش على خط الغاز الطبيعي اللي قبل محبس السخان؛ ده شغل شركة الغاز.